Davao City – Pangunahan sa Davao City Disaster Risk Reduction ang Management Council (DCDRRMC) ang 3rd city-wide full scale earthquake and tsunami exercise karong July 26, 2019, adlawng Biyernes.
Sa interbyu sa DXDC RMN Davao kang Roger Ingente, operator sa Disaster Operation Center sa Davao City, gikumpirma niini nga sugdan ang maong aktibidad alas-9 sa buntag diin partisiparan kini sa kabarangayan sa syudad, mga tulunghaan, business establishments, government offices ug uban pa.
Human sa aktibidad, gilayong himuon ang assessment kung unsay mga angay pang i-improbar sa maong pagpangandam.
Gidasig usab ni Ingente ang publiko nga mo-apil aron magbaton og igong kahibalo panahon sa dili matagna nga kalamidad nga posibleng muigo sa dakbayan.
“Unta ang tanan mag-participate para kung halimbawa naay mga panghitabo dinhi sa Davao, makabalo ta kung unsay atong angay’ng buhaton nga mahilayo ta sa mga kadaut,” tataw ni Ingente.
RadyoMaN Kirby Manzon
