3rd Infantry Division, Philippine Army; may 240 ka mga bag-o nga suldado

29

Jamindan, Capiz – Naglab-ot sa 240 ka mga candidate soldiers nga katapo sang MATABAT” (Marangal, Tapat sa Bayan at Tungkulin) Classes 447, 448 kag 449 – 2017 ang nagtapos sa ginhiwat nga seremonya sa Camp Macario Peralta, 3rd Infantry Division sa banwa sang Jamindan.
Kadam-an sa mga ini ang iga-assign sa Central kag Western Visayas samtang ang 88 naman nga mga nag-graduate nga candidate soldiers ang igapadala sa area sang Mindanao para sa rehabilitasyon sa syudad sang Marawi.
Ang mga ini ang madinalag-on nga nakumpleto ang anum ka maid-id nga paghanas ukon ang Candidate Soldier Course kalakip na ang Jungle Warfare Mountain Operation Course (JWMOC) training nga ginhiwat mismo sa 3rd Division Training School sang 3rd ID.
Sa mensahe ni Major General Jon Aying, Commander, 3ID, ginpahanumdom sini ang mga bag-o nga membro sang militar nga mangin maayo, professional, kag mga competent nga suldado.
Nahibaloan nga ang nasambitan nga seremonya ang gintambungan sang mga dinapit nga bisita kaangay ni Jamindan Municipal Mayor Mac Arthur Valdemar, 3ID Commanding General Jon Aying, mga ginikanan kag abyan sang mga naggradwar nga mga suldado.
©- Philippine Army Spearhead Troopers tags:Visayas,Roxas,DYVR,DYVR657,Capiz,3rd Infantry Division,Philippine Army,MATABAT,

Facebook Comments