Tun-an sang maid-id sang senado ang P4.1 trillion nga national budget para sa 2020 bisan pa nga madasig lang ini nga naaprubahan sa Kamara.
Suno kay Senate Pres. Tito Sotto III indi nila pagdali-dalion ang pagpasar sang budget.
Biyernes sang ginpasar sang Kamara ang House bill no. 4228 ukon ang 2020 General Appropriations Bill ukon GAB sa second kag final reading nga may 257 nga pabor kag anom nga nagapamatok.
Ginakabig ni Sotto nga record high ang pag-aprub sang budget sa Kamara bangud kinaandan nga nagaabot sa senado ang GAB sa bulan sang Oktubre.
Pahayag ni Sotto may subcommittee ang senado nga ginapamunuan ni Sen. Panfilo Lacson kag sigurado nga indi makalusot kun may pork barrel insertion.
Una na nga ginpahayag ni Albay Rep. Joey Salceda nga may tag P100 million nga alokasyon ang tagsa ka kongresista sa 2020 budget.
(pctto)
