Malaybalay City, Bukidnon – Anaa na matud pa sa 4.5 ka porsiyento sa mga mag-uuma sa Pilipinas ang nag-organic farming na.
Sa interview ngadto kang Senator Cynthia Villar, ang chairwoman sa committee on Agriulture sa senado atol sa iyang pagbisita sa Bukidnon gibutyag niini nga mao kini ang migawas nga datos atol sa ilang gihimo nga hearing sa Department of Agriculture.
Matud ni Sen. Villar nga ila usab kini nga gikumpirma tungod kay kalit ang pagtaas sa mao nga ihap diin sa nakalabay nga tuig lang anaa pa sa 1.5%.
Dungan niini gi-aghat sa senadora ang tanang mag-uuma nga mag-organic farming ug magkat-on sa composting aron nga mas mapalapdan pa ang organikong pagpanguma.
Sigun niya nga gawas nga matabangan ang kinaiyahan nga mahimong limpiyo kung mag-composting, makatabang pa kini sa kinaiyahan.
Nasuta matud pa sa pagtuon nga 38% sa yuta sa Pilipinas degraded na tungod sa mga chemical maong makatabang matud pa ang organic nga pagpanguma.
Maong gituboy matud pa sa DA ug DENR ang composting.
