4 anyos nga bata ginlugos ha Northern Samar, suspek arestado

534

TACLOBAN CITY – Arestado an usa nga pedicab driver ha panlugos han kwatro anyos nga bata ha Brgy Jose Abad Santos Catarman, Northern Samar.

Ginkilala an suspek nga hi Ernesto Aludario alyas Letoy, 56 anyos, nga residente ha mao nga lugar.

Sumala kan PSupt. Jose Manuel Payos, Chief of Police han Catarman MPS, an lola mismo han biktima an kumadto ha ira istasyon agud ig reklamo an suspek. Base ha pahayag han lola, nga ginharukan han suspek an iya apo ngan ginsulod an tudlo hini ha pribado nga parte han lawas han biktima.


Matapos an pag report, in gin imbitahan dayon han Catarman PNP an suspek ngan didto na gintudlok han minor de edad nga biktima hi Aludario ha pagmolestiya ha iya.

Dugang pa ni PSupt Payos, nga ginpoprotektaran na han ira buhatan an biktima mahitungod han kasensitibo han kaso.

An suspek in temporaryo na nga nakapaslak ha Catarman PNP lock up cell ngan ginhuhulat nala an kaangayan nga kaso nga ipapasaka ha iya.



Facebook Comments