lalaking nakadunggab-patay, misurender pinaagi kang Cagayan de Oro City Councilor Calizo

151

Misurender kagahapong adlawa pinaagi kang Cagayan de Oro City Councilor Romeo Calizo ang usa ka lalaking nakadunggab patay sa iyang kaila niadtong Oktubre 3 ning tuiga.
Ang suspek mao si Jemuel Ybañez nga taga-Sitio Paglaom, Barangay Camaman-an ning syudad.
Gibutyag ni Ybañez nga igo lamang unta siyang miaparta sa iyang kaila nga adunay nakontra nga iyang higala, apan gilakip pagkulata ug sagpa ang iyang igsoon hinungdang nadunggaban niini ang biktima.
Samtang matud ni Konsehal Calizo nga wala siya kaila sa suspek, kinsa una kining miduol sa usa sa iyang staff ug nangayog tabang nga maistorya ang maong konsehal.
Misurender si Ybañez tungod sa kahadlok nga siya resbakan sa pamilya o higala sa iyang napatay.
Sa karon ang suspek naa na sa kustodiya sa Divisoria Police Station ning syudad.
By: RadyoMaN Annaliza Amontos- Reyes

Facebook Comments