Davao City – Nasubo karon ang usa ka pamilya human sa kalit nga kamatayon sa ilang usa ka miyembro sa pamilya nga giatake sa usa ka King Cobra kun banakon nahitabo sa Maisan sa Brgy. Malagos, Baguio District syudad sa Davao.
Ang biktima nga gitago lang sa pangalan Alias Anne, 4 anyos diin matud samtang anaa sila sa uma, wala mabantayi sa inahan nga gipaak na og banakon ang bata ug nakita nalang niini ang katunga sa lawas sa banakon nga nagkamang palayo na sa bata.
Samtang sa pakighinabi sa DXDC RMN Davao sa amahan sa biktima, lisod dawaton alang kanila nga bitin ang mitapos sa kinabuhi sa ilang anak.
Subay niini, nanawagan og tabang ang pamilya sa biktima sama sa financial assistance aron usab sa pagpalubong sa batang babae.
RadyoMaN Don Pulayao
