Bayog, Zamboanga del Sur – Nagpa-alim pa sa ospital sa daghanang pangus, bun-og ug samad sa lawas ang 4-anyos nga bata human kining naligsan sa hubog nga driver didto sa Purok 3, Barangay Kahayagan, Bayog, Zamboanga del Sur.
Giila ang biktima nga si Reign2x Dalion, residente sa nahisgutan nga lugar.
Sa inisyal nga imbestigasyon nasayran nga samtang nagdagan ang Euro 150, color itom nga gimaneho ni Edwin Golbin Padao, 44 -anyos ug sakay si Julito Galeogo Ando, 38 -anyos, pulos residente sa Purok 6, Barangay Supon, Bayog.
Dihang nagdagan ang maong motorsiklo kalit matud pa nga nitabok sa kalsada ang maong bata nga wala makabantay sa naghaguros nga motor apan nisulay pa unta paglikay ang driver sa motor pinaagi sa pagsipa sa biktima hinungdan nga nahagba kini sa kalsada.
Sa pagsuta sa otoridad gitoohan nga lango sa ilimnon nga makahubog ang driver sa single motor nga swerteng walay samad sa lawas nga nahiaguman.
