Apat ang naaresto sang Philippine Drug Enforcement Agency (PDEA 12) sa serye sang ginpatigayon nga drug operation sa syudad sang Koronadal kag General Santos City sang tinalikdan nga adlaw.
Sa ginpatigayon nga buy–bust operation sa Purok 7, New Society, Brgy. Apopong, General Santos City naaresto ang suspek nga ginkilala kay Jonathan Abellera Enero.
Nakuha sa operasyon ang isa ka panid sang rectangular transparent plastic sachet sang “shabu” kag P500.00 marked money.
Dakpan man ang ginkilala kay Orlando Seguiban Jr, Alias Mal–am, 35 -anyos, single, driver kag Roland Espiritu Jr. , alias Toto, 25 -anyos, driver sa bahin sang Mabini Extension, Purok Matapat, Brgy. Zone 4, Koronadal City.
Nakuha sa mga suspek ang 3 ka heat–sealed transparent plastic sachets nga may kabug-aton nga MOL 0.5 grams sang“shabu” kag nagakantidad sang P2,500.00, One Thousand Peso bill marked money kag 2 ka disposable lighters.
Samtang isa pa ka suspek ang dakpan man sa drug operation sa Purok 15, Block 6, Brgy. Fatima, General Santos City nga ginkilala kay Mario Mendiola, alias Maran, 36 -anyos, panday/driver kag residente sang nasambit nga lugar.
Nakuha man sa suspek ang isa ka transparent plastic sachet nga may kabug-aton nga MOL 0.5 grams sang “shabu” kag nagakantidad sang P2,500.00 kag P1,000.00 marked money.
Pagbayolar naman sa Section 5 kag 11 sang Republic Act 9165 ang atubangon nga kaso sang mga suspek nga sa subong nakadetine sa PDEA 12 Detention Facility.
