General Santos City—Sikop ang upat ka mga personahe human matud pa ilang gisuwayan ug pusil ang usa ka biktima samtang kini anaa atubangan sa Drop Buy Convenience store nga nahimutang sa NLSA road, Barangay Lagao, Gensan alas 5:55 ang takna sa kabuntagon kagahapong adlawa, Sept. 16, 2018.
Mga suspek giilang silang si Aron Florida paparang, 23, installer ug residenti sa Barangay Fatima; Ceejay malatingan Marcos, 18, estudyante, residenti sa Barangay Lagao; Wilson Padal, 18, estudyante, residenti sa Barangay San Isidro, ug Augustin Avelino, 18, residenti sa Barangay Lagao, Gensan.
Nasikop nag mga nasangpit human silang gireklamo sa usa ka Exodus matag, 25, residenti sa talent Compound, Barangay Lagao, Gensan human matud pa kining giitunan ug pusil sa suspek nga si Florida.
Subay sa saysay sa biktima nga siya nag inum uban sa iyang mga amigo sa lugar apan kalit lang miduol si Florida sa lamesa sa biktima dayon milingkod nga walay permiso. Didto na mipalag ang biktima sa gihimo sa suspek diin natigayon ang kumusyon tali sa biktima ug sa mga suspetsado.
Didto na mibunlot ug sumpak ang suspek dayon gitiunan ug pusil ang biktimang si Matag.
Sakto usab nga niabot ang usa ka pulis nga nagpahigayon ug intel monitoring sa lugar dayon gisikop ang mga suspek. pagkapkap kang Florida, didto na kini nakuhaan ug marijuana samtang narekober usab ang sumpak gikan sa posisyon sa mga suspek. Tungod sila gipaslak sa bilangguan ug takdang pasakaan ug kaso.
