Tapaz, Capiz- Blangko pa tubtob sa subong ang mga kapulisan sa banwa sang Tapaz sa responsable sa pagbuno-patay sa isa ka persona sa Brgy. Abangay Tapaz ala una subong nga kaaganhon.
Gindeklarar nga dead-on-arrival sang gindangat sa Tapaz District Hospital ang 22-anyos nga biktima nga si Jonel Glorian y Galagate sang Brgy Roxas Tapaz nga nag-angkon sang patal nga pilas sa natuo nga iya dughan.
Suno sa imbestigasyon sang Tapaz PNP, halin ang amu nga persona sa paglantaw sa search sa amu nga barangay sang ini ang ginsugata kag ginbuno sang wala pa makilala nga suspek.
Base sa pagpangusisa sang mga kapulisan, antes ang insidente may yara nga naka-kronprontar ang utod sang biktima samtang nagasaot sa sulod sang lugar kun sa diin ginpatigayon ang palaguhaon.
Sa subong padayon pa ang hot pursuit operation sa suspek.
