Davao City – Kanselado ang biyahe ni Davao City Mayor Sara Duterte-Carpio sa laing nasud human nga adunay kauban niini sa maong trip nga nagpositibo sa Coronavirus Disease 2019 (COVID-19).
Matud ni Mayor Sara (sa interbyu sa city-owned radio) nga nagpositibo sa COVID-19 ang ilang kauban base sa ilang RT-PCR (reverse transcription-polymerase chain reaction) test result kagahapon sa buntag (October 4, 2021) hinungdan nga dili na sila dawaton pasulod sa Singapore.
“Ang amoang biyahe is cancelled because ang isa sa amoang kauban didto mulakaw is COVID-19 positive, dili ‘to ako. (Dili madayon akong leave) because dili na ‘mi dawaton didto sa Singapore,” sulti sa Mayor.
Una niini, gikatakdang mag-leave ang alkalde sugod karong adlawa, October 5 hangtud October 8, 2021 diin kini konektado sa iyang leave of absence sugod niadtong October 2020 ug April 2021.
Kahinumduman nga niadtong Abril sa dihang gibutyag sa City Information Office (CIO) nga rason ni Duterte-Carpio sa iyang pagbiyahe mao ang personal health management.
RadyoMaN Kirby Manzon
