Davao City-Dili haom dinhi sa Pilipinas ang balaudnong 4-day work week.
Sa interview sa DXDC RMN Davao kang Brgy. Captain sa Brgy. 9-A ning siyudad sa Dabaw nga si Kapitan Tata Llubit, sa iyang opinyon, dili siya pabor sa bag-uhay lang nga napasa sa Kongreso nga House Bill No. 6152 kun pagsulod sa trabaho og upat ka adlaw lang ug dili na lima ka adlaw tungod posibleng maapektuhan ang trabaho.
“Dako og chance nga ma-pending o dili mahuman ang trabaho tungod mag-apas2x ka sa adlaw,” sigun ni Kapitan Llubit.
Dugang ni Llubit, og ang ilang rason nga mahatagan pa og igong panahon ang mga empleyado sa pakig-uban sa ilang pamilya, mabuhat man gihapon kini sa naandan na nga adlaw matag Sabado ug Domingo.
Sa karon, ginahulat ang adlaw nga gitakda sa Setyembre 13 ang paghisgut sa nasangpit nga balaudnon sa Senado.
Kasamang Renz Barbarona
