Ipatuman umpisa subong nga adlaw ang apat ka adlaw nga moratoruim sa pagpasulod sang mga Locally Stranded Individual ukon LSIs sa rehiyon,matapos aprobahan ini sang Regional Inter-Agency Task Force on Emerging Infectitious Diseases 12 kag Regional Task Force on COVID 19.
Base sa Omnibus Resolution No.2020-036, gin-aprobahan sang RIATF 12 sa ginpatigayon nga virtual meeting ang pagsuspindir sa pagpasulod sang mga LSIs halin Disyembre 24, 25, 31 kag Enero 1 sa masunod nga tuig.
Samtang katuyuan naman sang nasambit nga tikang nga mapunggan ukon mauntat na ang paglapta sang COVID 19 sa rehiyon. Nahibaluan nga ang mga local government units (LGUs) ang naga-facilitate sa pagpapauli kag paghatag sang bulig sa mga Returning Overseas Filipinos ROFs) kag LSIs sa pagsugat sa mga ini sa airport kag seaport padulong sa mga isolation facilities.
Gin-aprobahan naman sang RIATF ang moratorium sa pagpasulod sang mga LSI sa banwa sang Surallah, umpisa sang Disyembre 20 subong nga tuig tubtob Enero 3, 2021 paagi Omnibus Resolution No. 2020-038.
Ang LGU Surallah ang nagapatigayon sang general repair kag general cleaning sa ila quarantine facility amo nga wala anay nagbaton sang mga LSIs.
