4 KA BALAY NA-UGDAW SA SUNOG SA RTR
Miabot sa unang alarma ang sunog nga nahitabo kagabii sa Purok-7, Poblacion 1 , RTR , Agusan del Norte.
Gibutyag ni Fire Investigator FO1 Jeffrey Mijala sa RTR Fire Station, upat ka panimalay ang naugdaw sa nahitabong sunog alas 7:10 kagabii, nakontrola ang kalayo alas 7:25 ug na-fireout alas 7:45 kagabii.
Gama sa light materials ang maong mga panimalay. Naggikan ang kalayo sa balay ni Romart Dahoya dali nga mikalat ang kalayo sa panimalay nila ni Michael Roa, Anthony Roa ug Edwin Roa.
Niya pa walay nadawat nga fire call ang ilang buhatan maong sa pag-abot sa fire truck sa lugar gilamoy na sa kalayo ang upat ka mga panimalay.
Parehong pamilya sa mag-uuma ang biktima sa sunog kagabii.
Karong buntag ipadayon pa sa BFP ang imbestigasyon aron sayron ang hinungdan sa insedente diin ang inisyal damage anaa sa 50 mil pesos.
