Malay, Aklan — Arestado ro 4 ka bugaw ag 33 ka mga prostitutes rong na rescue sa ginpatigayon nga operation it mga kapulisan kabii sa Sitio Kipot, Brgy. Manocmanoc, Boracay, Malay, Aklan.
Naaresto rong mga raya pinaagi sa gintingub nga pwersa it Malay PNP ag ko mga personnel halin sa Aklan Port-based Anti-Human Trafficking Task Force sa pagpanguna ni Prosecutor I Flosemer Chris Gonzales sa idaeom kung supervision ni Aklan Provincial Prosecutor Ma. Maya Bien Q. Mayor-Tolentino, 2nd Aklan PMFC ag 605th MARPSTA nga nagpatigayon it operaton sa daywa ka mga ginarentahang lugar ag daywa ka dating KTV Bars sa nasambit nga lugar.
Ro nasambit nga mga bugaw nga ginakeakipan it daywa ka babaye ag daywa ka agi hay nakataeana nga pagapasakaan it kasong Human Trafficking samtang rong 33 ka mga na rescue hay una sa paghinakop it DSWD.
(not an actual pic)
