Naglab-ot na sa 4 ka preso nga nahilway bangud sa Good Conduct Time Allowance (GCTA) law ang nag-surrender sa kapulisan sa rehiyon 6.
Una nga nag-surrender sa Culasi Municipal Police Stataion sa Antique sadtong September 6 si Pedro Salazar nga may kaso nga murder.
Ginsundan ini ni Antonio Romeo Jr. sa Tangalan Municipal Police Station sa Aklan.
Sang Septyembre 7 , nag-surrender man sa Dingle Municipal Police Station si Romulo Iraga kag alas 9:00 sang aga sang Septyembre 9, nag-surrender sa Concepcion Municipal Police Station si Anwario Valencia.
Apisar nag-surrender , ginpahayag ni Police Lt. Col. Joem Malong, spokesperson sang Police Regional Office 6 nga indi arestado ang status sang mga natungdan.
Dugang pa ni Malong nga ang Bureau of Corrections na ang magasugat sa mga nag-surrender.
Matandaan nga 15 ka adlaw ang ginhatag ni presidente Rodrigo Duterte agud mag-surrender sa kapulisan ang ginabulubanta 1,700 ka heinous crimes convicts nga nahilway bangud sa kontrobersyal nga GCTA law.
Photo via Inquirer
