Traffic auxiliaries nga indi makita sa tunga sang dalan mahimo makakas sa serbisyo

23

SYUDAD sang Iloilo – Ginmanduan ni mayor Jerry Treñas ang mga traffic aides nga dapat ara sa tunga sang dalan agud mag-giya sang trapiko sa ti-on sang iya duty.

Suno kay Treñas ang madakpan sang makaisa nga wala sa tunga sang dalan iya ipasuspend samtang ang liwat nga madakpan idismiss niya sa serbisyo.


Paathag ni Treñas ang kabangdanan kun ngaa ara sila sa trabaho amo nga magmando sang trapiko sa dalanon kag indi mapasilong sa higad sang dalan.

Samtang sa kaso sang mga auxiliaries luyag mahibaluan sang alkalde kun diin ang ila mga deployments.

Pahayag ni Treñas gindugangan niya ang traffic aides kag auxiliary police apang wala sya nakahibalo kun diin sila nakapwesto.

May 293 ka traffic aide kag 100 ka police auxiliaries ang syudad.//via Joel Franco reports

Photo via PSTMO Iloilo City

Facebook Comments

From Advertisers