Upat ka mga local government units ang pakyas nisunod sa mando ni Pangulong Rodrigo Duterte nga limpiyuhan ang mga kalsada sa sulod sa 60 ka adlaw .
Matud sa Department of the Interior and Local Government nga gihatagan sa failed rating ang anaa sa 4 LGUs kung asa aduna kini lima ka adlaw para ipasabot kung nganong wala niini nasunod ang kampanya kontra obstruction.
Sa Bukidnon, 2 lang ka LGUs ang nakakuha sa high compliance rating nga maong ang Impasug-ong ug San Fernando samtang 8 ka lungsod ang Medium compliance rating nga mao ang Kadingilan, Kalilangan, Kibawe, Libona, Maramag, Pangantucan, Quezon ug Talakag samtang 6 ang low compliance nga naglangkob sa Cabanglasan, Dangcagan, Don Carlos, Kitaotao, Lantapan, ug Malitbog.
Samtang failed kon bagsak ang mga lungsod sa Baungon, Damulog, Manolo Fortich ug Sumilao.
Nasayran nga low compliance rating usab ang nakuha sa Malaybalay City samtang Medium compliance ang siyudad sa Valencia.
Sa interview sa RMN ngadto kang Cabanglasan Mayor Renante Inocando, ang president sa League of Municipalities of the Philippine kon LMP Bukidnon Chapter gikalipay niini nga daghang LGUs ang nisunod sa direktiba ni Pangulong Duterte.
Matud niya nga nahisgutan usab kini sa ilang panagtigum sa LMP.
