*By: Mardy Libres*
Upat ka mga lungsod sa Zamboanga del Norte ang gipasidunggan karon sa Department of the Interior and Local Government (DILG) isip 2017 Seal of Good Local Governance (SGLG) Awardees.
Ang upat ka lungsod mao ang Labason, Manukan, Piñan ug Siocon diin nakatuman sa mga requirements nga gisitar sa DILG alang sa maong pasidungog.
ANg maong mga lungsod napili base sa upat ka Core Areas nga gilangkuban sa Financial Administration, Disaster Preparedness, Social Protection ug Peace and Order.
Samtang gibase usab kini sa laing 3 ka essential areas nga mao ang Business Friendliness and Competitiveness, Environmental Management and tourism, ug Culture and the Arts.
Matud pa ni Ms. Anabella Jatico, SGLG Focal Person sa probinsyal nga buhatan sa DILG, ang awarding ceremony ipahigayon karong Nobyembre 28 sa Philippine International Convention Center (PICC) Manila.
