Kalibo, Aklan — Ap-at ka mga lugar sa probinsya it Aklan rong ginpaidaeom sa election watchlist areas.
Raya ro ginkomperma ni Police Regional Office 6 Spokesperson PSUPT. Joem Malong sa pakikipag-angot kana it RMN DYKR Kalibo sa programang Straight-to-the-Point.
Suno kana nga raya rong resulta ko ginhiwat nga final meeting it Regional Security Control Center.
Sa Western Visayas may una nga 133 tanan ka barangay rong una sa watchlist kung sa siin nagapanguna rong Negros Occidental nga may 80; 28 sa Iloilo Province; 15 sa Capiz; 4 sa Iloilo City ; 4 sa Aklan ag 2 sa Antique.
Ro Aklan hay una sa ginatawag nga category yellow, buot hambaeaon may una nga intent political rivalry ag may presensya it armed group.
Uwa eon ginhingadli ni Malong kung ano nga mga barangay sa Aklan ro una sa watchlist.
