Nitahan ang 4 ka mga miyembro sa New People’s Army ngadto sa 8th Infantry Battalion, Philippine Army sa lungsod sa Impasug-ong, Bukidnon.
Gi-ila ni Lt. Col. Xerxes Trinidad, ang hepe sa 4th Infantry Division Public Affairs Office, ang mga nitahan nga sila si alyas Joey, 43 anyos, uban ang iyang asawa nga si alyas Joy-joy, 42 anyos, ug alyas Erik, 31 anyos, ug uban sa iyang asawa nga si alyas Nica, 22.
Si Joey ug Erik mag-igsoon gikan sa HQF Neo, North Central Mindanao Command (NCMRC) nga karon anaa na sa sabakan sa gobyerno.
Bitbit sa ilang pagtahan ang 1 ka Cal. 45 ug usa ka homemade shotgun.
Matud ni Col. Trinidad nga ang maong mga magtiayong kanhi rebelde nitahan ngadto kang 8IB commanding officer Lt. Col. Edgardo Talaroc Jr., adtong Martes ug karon gipailawom na sa revalidation ug custodial debriefing.
Giproseso na usab ang enrolment niini para sa Enhanced Comprehensive Local Integration Program nga laumang makadawat ang kada usa ug immediate ug
livelihood cash assistance nga nagkantidad ug P65,000.
