Gitin-aw sa Land Transportation Franchising and Regulatory Board o LTFRB-10 nga upat lamang ka bus sa RTMI ang ilang gipaubos sa preventive 30 days suspension.
Kini human unang nalambigit sa aksidente ang usa sa RTMI aircon bus diin tulo ka tawo ang patay samtang laing 28 ang samaron sa Brgy Patpat, Malaybalay City,Bukidnon niadtong adlaw’ng Huwebes sa hapon.
Sa interview sa RMN Malaybalay ngadto kang LTFRB 10 Regional Director Allan Guro Guro, gibutyag ninii 4 ka bus lang ang ilawom nga sa case number sa mao nga franchise.
Epektibo kaniadtong Biyernes ilang gidid-an nga makabiyahe ang nahibling 3 ka mga bus nga gabiyahe sa Cagayan de Oro paingon Valencia City.
Kini ang gihimong aksyon sa ahensiya nunot na sa dugoong aksidente nga gikalambigitan niini.
Dugang ni Gurop nga nawad-a’g balanse ang drayber sa bus tungod sa gilikayan nga pedestrian nga mitabok sa dalan hinungdan nga nahulog kini sa pangpang sa maong lugar.
Una nang gihatagan ug ayuda sa bus company ang pamilya sa mga namatay ug sa karon anaa na lamang sa 2 ka pasahero gikan sa 28 nga naangol ang nagpabilin sa balay tambalanan.
