Dakop ang apat ka mga tawo sa pagbayolar sang COMELEC gun ban.
Una diri, arestado si Charlie Bedoy, 34 anyos sang Brgy. San Florentino, San Rafael , Iloilo matapos makuhaan sang isa ka 12 gauge shotgun kag 10 ka bala sa COMELEC Checkpoint nga ginhiwat sang kapulisan sang nagligad nga Dominggo sa Poblacion, San Rafael , Iloilo.
Samtang, arestado man si Julius Borromeo , 44 anyos sang Lapuz Norte, Lapuz, Iloilo City matapos makuhaan sang caliber 38 revolver sang nagligad nga Dominggo.
Sa Bacolod City, arestado si Alex Barredo tecson, 24 anyos sang Antonio Luna St., Silay City alas 4:30 kaina sang kaagahon matapos nakuhaan sang isa ka Smith and Wesson revolver.
Samtang, preso man sa Boracay Tourist Assistance Center (BTAC) si Dante Geronimo, 54 anyos kag residente sang Brgy. Manoc Manoc, Boracay Island, Malay, Aklan matapos makuhaan sang 1 ka bala sang cal. 38 kag 1 ka bala sang cal. 22 sa sulod sang iya wallet.
Nahibaluan nga nagsugod na sang Oktubre 1 ang COMELEC gun ban may kaangtanan sa Sangguniang Kabataan (SK) kag barangay elections.
(photo from web)
