4 ka tindahan ug lechon gisirhan

Way pagduha-duha si Carcar City Mayor Merceditha Apura sa pagdisiplina sa mga naninda ug lechon sa merkado publiko ,human niya pasirhi ang upat ka stalls tungod sa lain-laing mga kalapasan.
Sa upat nga nasirhan , duha niini kadtong nagviral sa Facebook nga gireklamo ug kustomer tungod sa ilang gibuhat nga pagpamugos kanila nga mopalit sa ilang tinda.
Ang mga gisirhan sa mayor mao ang tindahan nga iya ni Mercy Roel, Honeylette Nacaja, Arlene Manreal ug Loreta Camanero.
Lakip sa nakita nga kalapasan sa mga lechon vendors mao ang kakuwang ug mayor ug sanitary permit, di saktong timbangan, namaligya ug bahaw nga lechon, o kaha mag-atang sa mga customer gawas sa ilang mga stalls aron mamugos nga adto papaliton sa ilang tindahan.

Facebook Comments