Upat ka mga pasahero sa MV Fast Cat M11 ang na-angol human gikabangga niini ang barko nga MV Ocean United sa Oceanic Shipping Lines sa Lauis ledge dinhi sa Sugbu kagabii , Oktobre 18.
Ang MV Fast Cat M11 nibiya sa pantalan sa dakbayan sa Sugbu ug padung unta sa Tubigon Bohol dihang gikabangga niini ang maong cargo vessel .
Ang tigpamaba sa Philippine Coast Guard –Central Visayas nga si LTJG Mike Encina nibutyag nga ang passenger ship nga Fast Cat adunay sakay nga 70 ka pasahero ug 12 ka rolling cargoes atol sa hitabo
Ang upat ka pasahero nga na-angol mao sila si Daniel Fuentes,38; Manuel Veloso,48; Anacleto Dico Je, 47; ug Cary Angelo Bilga, 28.
Human sa insidente gipabalik sa Pier 3 ang MV Fast Cat M11 samtang giangkorahe na usab ang MV Ocean United .
Nagpadayon ang imbistigasyon labot sa maong hitabo.
