Family Fun Games, gihan-ay alang sa MOGCHS Grade 8 Family Day

Gihan-ay na sa Grade 8 Federated PTA officers sa Misamis Oriental General Comprehensive High School o MOGCHS ang mga family fun games.

 

Kini alang sa ipahigayong family day sa Grade 8 Level sa MOGCHS ugmang adlawa, Sabado, Oktubre 20 ning tuiga.

 

Magsugod ang kalihukan mga alas 7 sa buntag pinaagi sa usa ka santos nga misa, dunay paghatag impormasyon kalabot na sa seguridad sa mga estudyante nga gipatuman sa kapulisan ug uban pa nga ginahimo sa tunghaan alang sa mga estudyante ilabina sa Grade 8 Level.


Human sa mga family fun games dunay himoong salo-salo sa tanang mga estudyante, magtutudlo ug mga bisita nga motambong sa Family Day.

Alayon niini, giaghat sa Grade 8 Federated PTA officers sa MOCGHS ang mga ginikanan sa mga estudyante sa Grade 8 Level sa pagsalmot sa maong importanteng kalihukan.

 

Nasayran nga ang Grade 8 Family Day maoy pinaka-unang Family Day nga himoon sa MOGCHS.

Facebook Comments