Kusang loob na sumuko sa tropa ng gobyerno ang 4 na mataas na opisyal ng Bangsamoro Islamic Freedom Fighters o BIFF.
Ayon kay Maj. Gen. Diosdado Carreon, Joint Task Force Central Commander, sumuko kahapon ang 4 rebelde na kabilang sa Bungos faction sa tropa ng 34th Infantry Battalion ng Philippine Army sa Barangay Indatuan, Northern Kabuntalan Maguindanao.
Kinilala ang nagbalik loob na sina:
– Ibrahim Odin, Commander ng BIFF 3rd Brigade, 2nd Division
-Diya Musa, 1st Battalion Commander, 3rd Brigade, 2nd Division;
-Daud Paglas, admin officer, 1st Battalion, 3rd Brigade, 2nd Division,
– Yasser Abunawas, anak ni Abunawas Damiyog at operation officer ng 1st Battalion, 3rd Brigade, 2nd Division.
Kasabay ng pagsuko, isinuko rin ng 4 ang kanilang mga baril at mga gamit na pampasabog.
Nasa kustodiya sila ngayon ng 34IB.
