Maintenance drugs, panubuan ang presyo sang mga pharmaceutical companies

26

Gintanyag sang Pharmaceutical Healthcare Association of the Philippines (PHAP) nga buhinan ang presyo sang pila sa mga ginahimo nila nga mga bulong sa publiko sang tubtub 75%.

Suno kay PHAP executive Director Teodoro Padilla, handa ang pila ka miyembro sini nga panubuan ang presyo sang bulong kasubong sang ginabaligya sang bulko sa gobyerno kon magpasugot ang Department of Health natuhoy diri.


Kalakip sa mga bulong nga posible buhinan ang presyo amo ang bulong para sa sakit sa korason, diabetes, kidney ailment, asthma, psoriasis, neurologic disorders, hiv kag infectious diseases.

Ang mga bulong naman para sa nagkalain-lain nga sahi sang cancer kasubong sang breast, colorectal, lung, cervical, kidney, ovarian, lymphomas kag prostate ang sakop sang price reduction.

Facebook Comments