General Santos City—sikop sa operatiba sa PDEA Regional Office 12 sa pakig-alayon sa kapulisan ang upat ka mga personaheng nagpailang asset sa PDEA atol sa gihimong operasyon sa Obra Subdivision , Barangay Griño, Tacurong City, alas 9:00 pasado sa gabie niadtong nakalabayng adlaw.
Sikop silang si Jude Dela Cruz Y Dindong Alias Jude, 35, ulitawo, negusyante ug residenti sa Apilad Subd., Brgy. Poblacion, Tacurong City, Zenaida Teves Raguindin Alias Inday, 40, resident sa Brgy. Saranay, Tacurong City, Joemar Gregorio Alias Chin-Chin, 33, residenti sa Brgy. Poblacion, Tacurong City, ug Joey Paciente Alias Jojo, 37, residenti sa New Isabela, Tacurong City.
Nakuha sa ilang posisyon ang mukabat (51) ka gramo nga gituohang “shabu” nga gibana-banaang mokantidad ug P255,000.00.
Ang mga nasangpit lambigit sumala pa sa pagpamaligya ug iligal nga droga sa Tacurong City diin nagpaila pa ang mga nahisgutan nga asset sa PDEA ug PNP sa maong lugar.
Kasong kalapasan sa Sections 5 ug 11, Article II sa RA 9165 (The Comprehensive Dangerous Drugs Act of 2002) ang ipasang-at nga kaso batok sa mga suspetsado.
