MALAPATAN, SARANGANI PROVINCE – Nakakustodiya na sa 73rd Infantry Battalion ang upat ka sakop sa NPA human nisurender sa tropa sa gobyerno sa Barangay, Kinam, Malapatan Sarangani Province giila sa mga pangalang Dante Lumayas alias Pantat, 24, Dang Lumayas, 45, Degoh Lumayas alias Bayabas, 30 og Malkuni Lumayas alias Lawin, 30, parehong residente sa Sitio Akfutan, Barangay Kinam, Malapatan.
Base sa impormasyon sa military nga gisurender sad sa upat ka rebelde ang Garrand Rifle, Improvised Explosive Device (IED) og duha Handheld Versa Radio samtang ugat hinungdan matod sa pagtahan sa mga rebeldeng NPA mao ang kalisod nga ilang gibati sa kabukiran og gikapoy na sa pagtago-tago sa sagunsong military operations.
Dakong kawad-on sad karon makonsidera sa militar ngadto sa NPA ang pagkasikop sa giilang kumander sa Guerilla Front Committee 72 na nag-operate sa Columbio, Sultan Kudarat.
Kahibaw-an nga nasikop sa tropa sa Alabel Municipal Police Station ang usa ka Gideon Jojo Colano alias Commander Revo na suspek sa pagdagit sa duha ka sundalo na silang Sergeant Solaiman Calucop og PrivateFirst Class Samuel Garay sa 39th Infantry Battalion Philippine Army.
Silang Calucop og Garay gidagit sa Purok 7, Barangay Telafas, Columbio, Sultan Kudarat sa napulo ka mga rebelde.
For more info’s and updates, like and share our official facebook account : www.facebook.com/ifm91.9Gensanofficial/
