General Santos City—Upat ang patay samtang usa ang angol sa natigayong disgrasya sa kadalanan nga gikalambigitan sa topdown ug Passenger van nga nahitabo sa may National Highway sakop sa Barangay Apopong Gensan alas 5:30 ang takna sa hapon, kagahapong adlawa.
Biktimang nakabsan mao silang si Josepina Requintosa, 65, Leni Rose Sobreo, 30 anyos, usa ka mabdos, Anelyn Rose Sobreo, 2 anyos ug Antonio Sobreo, 43 anyos , driver sa topdown, pulos residenti sa Polomolok, South Cotabato. Samtanga ngol usab ang usa ka Marry Joy Sobreo.
Sa gihimong pag imbistiga sa Traffic Management Unit ngadto sa lugar padolong sa Polomolok ang topdown nga gisakyan sa mga biktima samtang padulong sa Gensan ang pampasaheroang van nga gimanihuan sa wala pa mailhing driver.
Pag abot sa lugar niovertake ang van sa gisudang sakyanan apan iyang nabanggaan ang kasugat nga topdown nga naglawig sa inner lane.
Nangalagpot ang sakay sa topdown nga hinungdan sa kamatayon sa upat ka biktima. nasayran nga nadala pa sa managlahing ospital sa Gensan ang mga biktima apan nakabsan sila sa ilang kinabuhi.
Sumala sa kabanay samga biktimanga gikan sa Purok Puting Bato, Barangay Calumpang ang pamilyang Sobreo nibisita sa balay sa usa niini ka igsuon. Gikumperma sa nasampit nga nakainum ang driver sa topdown niadtong tungura. Ila kining gihawiran nga dili una muuli tungod kay kaulanon ug nakainum pa apan niuli gyud nag mga nasampit.
Pila lang ka oras nag nakalabay, nabaniog na nga nadisgrasya ang mga nasampit sa highway sa Barangay Apopong. Ilang gikakurat nga upat gyud sa miyembro sa pamilya ang nakabsan ug kinabuhi.
Samtang ang driver sa van wala pa karon hikit-e usab nga nisibat saw ala sayring lugar.
