4 patay sang natrap sa bubon nga ginasiling may bulawan

NEW WASHINGTON, AKLAN – Apat ka mga tawo ang nagkalamatay matapos nga ini sila ang na-trap sa idalum sang isa ka bubon sa Centro Lawaan.

Suno sa Provincial Disaster Risk Reduction Management Office, PDRRMO Aklan nga ginkutkot ang amo nga bubon para magpang-kuha sang bulawan ( gold ) apang matapos ang halos isa ka tuig, ginpauntat ang pagkutkot.

Kahapon, isa sa mga biktima ang nagpanaug apang ini ang na-trap didto kag wala na nakagwa rason nga ginbuligan ini sang isa pa gid niya ka upod.


Apang, aksidente ini nga nakadanlog kag nagdiretso sa idalum rason nga siya ang na-trap man.

May duha ka iban pa gid nga mga tawo nga nagtuyo i-rescue ang una nga nahulog nga duha ka biktima apang pati sila ang na-trap man kag nagkalamatay.

Ang amo nga bubon nagadalum sang kapin 40 ka tapak kag suno sa mga naka-kadto didto may yara sang pwerte ka baho nga naga-usbong halin sa bubon nga kaangay sang kon ano nga sahi sang kemikal./DYHB BACOLOD

| Photo of Lester Barrera Quinton of PDRRMO Aklan

Facebook Comments