Roxas City, Capiz – Ginbawian sang kabuhi ang isa ka lalaki matapos matapakan sang transit mixer sa Barangay Cabugao, Roxas City, kahapon. Ginkilala ang biktima kay Regielon Salceda, 21 anyos sang Barangay Dinginan, Roxas City.
Basi sa imbestigasyon sang Roxas City PNP, yara sa likod sang transit mixer ang biktima agud giyahan ang driver sa pag-atras sang truck. Wala matalupangdan sang driver si Sonny Funcion ang biktima nga nagsaylo ini sa wala nga bahin sang transit mixer nagikan sa natuo nga porsyon sang truck.
Bangud sini aksidente nga nalapakan sang truck biktima nga nag-angkon sang patal nga pilas sa ulo kag iban pa nga bahin sang iya nga lawas.
Gindala pa sa ospital ang biktima apang gindeklarar nga dead on arrival sang doktor. Samtang boluntaryo naman nga nagsungka sa mga kapulisan ang driver sang transit mixer.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
