General Santos City–Kasong pagsupak sa RA 9208 (Anti-Trafficking In Persons Act Of 2003) ang posibleng atubangon sa magtiayong Sucjoo Chang usa ka Korean National ug Geramie Sasuman Chang nga nanag-iya sa Cow Girl Bikini Bar human nga gisulod sa mga personahe sa CIDG 12 ang nasangpit nga establisymento alas 12:50 ang takna sa kadlawon kagahapong adlawa.
Samtang dugang kaso usab sa pagsupak sa ART. 201 sa Revise Penal Code (Indecent Show) ang ipasang-at batok sa magtiayon ug 16 ka mga babaye nga naaktohang naga-sayaw nga walay sapot sa kalawasan nga ilang na rescue sa maong lugar.
Samtang basi usab sa pakighinabi sa CIDG sa mga babaye nga narescue nasayran nga adunay upat ka mg GRO ang nagatrabaho sa maong lugar ang mabdos butang nga gikaalarma sa kapulisan. (Dave Silagan)
