General Santos City—hispital ang gidangatan sa 4 ka miyembro sa usa ka pamilya human nga nabalintong ang motorsiklong ilang gisakyan sa may Purok 6, Lanton, Apopong, Gensan alas 8:40 ang takna kagabie.
Mga biktima nailhang silang si Ernie Glode Sr., 31, mga anak niini nga silang Ernie Jr, 2 anyos, Princess, 6 anyos ug Aron, 9 anyos pulos residenti sa Purok San Miguel, Barangay Calumpang, Gensan.
Nasayran nga gikan sa may Lanton Apopong ang mga nahisgutan dihang pauli na unta sa ilang panimalay. Gikabutyag nga nakainum ang driver nga si Ernie,w ala niini nabantayan ang mitabok nga iro mao nga sila nabalintong.
Nakaangkon ug mga pangus ug samad ang mga biktima sa nagkandaiyang parti sa kalawasan kansa daling gipangdala sa Dr. Jorge Royeca Hospital. Sa karon ang mga biktima nagpaalim nalang sa ilang mga samad nga naangkon sa ospital.
