General Santos City—Sikop ang upat ka mga suspetsado sa gihimong operasyon sa Philippine Drug Enforcement Agency (PDEA) niadotng nakalabayng adlaw.
Alas 11:15 sa buntag nasikop sa Kalye Putik, Brgy. Poblacion, Kalamansig, Sultan Kudarat ang suspek nga si Mama Tanto Bangon, 29, habal–habal driver ug residenti sa Brgy. Poblacion, Kalamansig, Sultan Kudarat ug Juniz Gomonit, 27, direct seller ug residenti sa Market, Kalamansig, Sultan Kudarat.
Alas 4:00 sa hapon nasikop usab sa Municipal Plaza, Brgy. Yangco, Banga, South Cotabato ang suspek nga si Berting Gogo , 21, residenti sa Sitio Sanblast, Bo. 1, Brgy. Liwanag, Banga, South Cotabato.
Samtang 6:40 sa gabie nasikop sa buy–bust operation sa may Sogod Lot 5, Brgy. Apopong, General Santos City ang suspek nga si Phelmar Abing, 34, residenti sa samang lugar.
Sa kinatibuk-an mukabat ngadto sa sixteen (16) ka gramo sa suspected Methamphetamine Hydrochloride kon “shabu” nga anaa sa kantidad P 80,000.00 ang narekober gikan sa kamot sa mga suspek.
Kasong kalapasan sa Section 5 (Sale of Illegal Drugs) ug Section 11 (Possession of Illegal Drugs), Article II sa Republic Act 9165, ( Comprehensive Dangerous Drugs Act of 2002) ang gikatakdang ipasang-at nga kaso batok sa mga suspetsado.
