4- sikop sa managlahing operasyon batok druga sa Gensan

26

 

General Santos City—upat sikop sa gsunod sunod nga  buybust operation sa City Drug Enforcement Unit  (CDEU) sa managlahing lugar dinhi sa syudad.


Unang  nadakpan alas 2:30 sa hapon niadtong Lunes, March 20, 2017 ang suspek nga si Dionedes Cotamura Sitchon, Alias Payat, 40, residenti sa Prk. Sta Cruz, Barangay West, sa gihimong Buybust operation atubangan sa Fitmart Mall nga nahimutang sa may  barangay West.


Usa gihapon ka pulis ang nagpakarong-ingnong mupalit ug iligal nga druga nga miresulta sa pagkasikop sa nahisgutan human kining napalitamn ug (1) ka sachet sa gituohang shabu gamit ang P500.00.


Dihang gikapkapan ang suspek isip parti sa Standard Operationg Procedure sa PNP sa ilang dinakpan, nakuhaan pa kini ug laing (4) ka sachet sa gituohang shabu.


Sunod nga operasyon nga gipahigayon sa CDEU sa area sa Barangay Fatima kung asa Naaktuhang nag pot session sulod sa ilang boarding house ang duha ka mga bading nga silang Cristituto Manaybanay, 20, residenti sa Zone 8, Block 12, Barangay Fatima ug Anthony Villafania, 29, residenti sa samang Lugar.


Nasayran nga usa ka pulis ang nagpakarong-ingnong mupalit ug iligal nga druga batok sa duha ka mga suspetsado. Dihang gipailawom sa interogasyon ang mga nahisgutan, bahin sa source niini sa iligal druga , gitudlo ang suspetsadong si Abdulah Maquil, 33, residenti sa Prk. 11-A, Block 6, Barangay Fatima ning syudad.

Wala na naglangay ang mga kapulisan, ilang gipahigayunan ug operasyon ang suspetsado didto mismo sa panimalay niini nga miresulta sa pagkasikop sa nahisgutan.


Ang mga dinakpan ang kabalhog na sa silda sa kapulisan samtang giandam na ang kasong paglapas sa RA 9165 (Comprehensive Dangerous Drug Act of 2002) batok sa mga nahisgutan.



Facebook Comments