General Santos City—Tingkagol na sa silda sa Police Station 5 ang usa ka 40 anyos human nga nasikop sa gihimong buy-bust operation sa may Phase 2, Changco Vill., barangay Bawing, Gensan alas 7:00 ang takna kagabie.
Suspek giilang si Abdul Cader, 40, residenti sa Purok Cabo, barangay Bawing, General Santos City.
Napalitan ang biktima ug usa ka sachet sa gituohang shabu gamit ang P500.00 nga marked Money.
Didto na kini gisikop sa kapulisan ug gibalhog sa silda. Sa kasong kalapasan sa RA 9165 ang gikatakdang ipasang-at nga kaso batok sa nahisgutang suspetsado. (Rose Sioco)
Facebook Comments
