40 anyos nga babaye, napalgang patay sulod sa Lodging House

Pagadian City – Naalarma ang mga trabahante sa Lyn’s Lodging House, nga nakabase sa syudad sa Pagadian dihang naplagang patay ang 40 anyos nga babaye alas 9:00 kagahapon sa buntag.
Naila ang biktima nga si Refaila Abing residente sa Zone 1, Barangay Tiguma, Pagadian City.
Sa inisyal nga imbestigasyon nasayran nga nisulod sa maong lodging house ang biktima alas 1:30 sakagahapon sa kadlawon uban ang wala maila nga lalaki.
Ang tag-iya ug tagdumala sa lodging house dili makatumbok sa pangalan sa lalaki nga kauban sa biktima kay walay logbook ang maong establisyemento.
Base sa CCTV Camera nga nakuha s aimbestigador, nag-punay og gawas sa kwarto ang kauban sa biktima diin naka-helmet kini hangtud nga nigawas na kini sa lawak gi-abanagan og wala na mobalaik alas 2:30 sa kadlawon .
Daku ang patoo sa kapulisan nga patay na nga gibyaan ang 40 anyos nga biktima. Gisuta pa sa kapulisan ang motibo sa pagpatay.