ILOILO – Nagapasalamat si Iloilo Police Provincial Office (IPPO) Director, Senior Superintendent Marlon Tayaba sa tanan nga nangin kabahin sang iya kadalag-an bilang Best Senior Police Commissioned Officer for Operations sang PNP.
Isa si Tayaba sa mga pasidunggan sa bilog nga Pilipinas sa hiwaton nga 117th Police Service Anniversary sa Kampo Crame sa Agosto 8.
Suno kay Tayaba, indi niya makuha ang nasambit nga pasidungog kon wala ang suporta sang media, mga pumuluyo lakip na ang mga Local Chief Executives sa Iloilo.
“Maraming salamat, indi namin makakamit ito kung wala ang suporta niyo, kung wala ang suporta ng mga pumuluyo at nang kapulisan,” ang pahayag ni Tayaba sa interview sang RMN Iloilo sa programa RMN Straight to the Point.
Isa sa daku nga achievement ni Tayaba sa pagpungko bilang IPPO Director halin Hunyo 19, 2017 amo ang pagka neutralize kay PDEA identified drug lord nga si Richard Prevendido.
Magluwas diri, isa man si Tayaba sa mga nagpanguna sa Liberation sang Marawi sa diin siya ang nagpamuno sa Task Force Marawi.
Antes ginbalik sa Iloilo bilang provincial director, isa si Tayaba sa mga nag-atubang sa mga terorista sa Marawi tubtob nalab-ot ang kahilwayan.
Suno kay Tayaba, ginabalik niya ang kadalag-an sa Ginoo kag sa tanan nga nagsuporta sa mga kapulisan.
RMN File photo
