40-anyos nga mister, ginbuno-patay sa New Road, Barangay Banica, Roxas City

9

Roxas City, Capiz – Patay ang isa ka mister matapos ini ang nabun-an pasado alas 3 sang hapon sa New Road, Brgy. Banica, Roxas City. Nakilala ang biktima kay Lemuel Mangao, 40-anyos nga residente sang nasambitan nga lugar. Ini ang nag-angkon sang patal nga pilas sa nawala nga porsyon sang dughan. Nahibaluan nga may yara na sang daan nga indi paghangpanay sa tunga sang biktima kag suspek nga nakilala kay Rey Denola y Lopez, 53-anyos. Suno sa nakasaksi sa insidente nga si Nestor Albances, nagluntad ang pagsabtanay sa tunga sang duha kun sa diin gulpi nga naggabot sang kutsilyo ang suspek kag hinali sini nga ginhandos ang biktima. Gindala pa sa Health Centrum Hospital ang biktima apang ini ang gin-deklarar nga dead-on-arrival. Sa subong nagapadayon pa ang hot pursuit operation kontra sa suspek nga si Rey Denola y Lopez matapos ini ang madasig nga nagpalagyo sang makomiter ang krimen.

Facebook Comments