Moabot sa 40 ka mga panimay ang naugdaw atol sa sunog kagabii sa Upper Tabok dakbayan sa Mandaue .
Moabot sa 50 ka pamilya o 300 ka residente ang nawad-an sa ilang panimay sa sunog nga nahitabo alas 5:53 sa hapon ug gidiklarar nga under control pagka-alas 7:30 na sa gabii .
Giisa sa Bureau of Fire Protection sa general alarm ang status sa sunog tungod sa kadaku sa kayo nga nilamoy ug apil sa usa ka rattan furniture ug naapekto usab sa lain pang pabrika sa maong lugar.
Gibana –bana sa kabomberohan nga P3.8 milyon ang danyos sa sunog .
Sa inisyal nga imbistigasyon matud ni BFP-7 Regional Director Samuel Tadeo ang kayo nagsugod sa ikaduhang andana sa boarding house nga gipanag-iya sa usa ka Rebecca Cahigas ug daling nikatap ngadto sa ubang kabalayan.
