Sa pagtaas sa local transmission sa syudad niapila ang LGU-Butuan sa Regional IATF nga ipailawom sa Modified Enhanced Community Quarantine ang kwarenta (40) ka mga Barangay aron makontrolar ang pagkuyanap niani.
Pinaagi sa usa ka referendum ang RIATF ni aprobar sa maong apila niadtong Agosto 25, apan migawas lamang ang official Resolution No. 69 kagahapong adlawa Setyembre 1.
Ang nasangpit nga MECQ sa 40 ka barangay gasugod niadtong Agosto 25 hangtud Setyembre 7, 2020, apan wala mahimo ang mga guidelines niani tungod kay gihulatan ang maong resolusyon.
Sa pag-abot karon sa resolusyon makapawagas na kita og Executive Order aron mahibaw-an ang mga kinahanglan nga ipatuman.
Bisan pa man naulahi ang paggawas sa resolusyon aduna nay mga lakang nga gihimo ang pipila ka mga Barangay alang sa pagpahunong sa pagkuyanap unya sa COVID-19 virus.
