40 ka container nga adunay sulod nga mga pagkaon sa NPA, nakalutan sa Bukidnon

Mukabat sa 40 ka gallon nga puno sa mga bugas, asukal, asin ug monggos ang nakalutan sa Regional Mobile Force kagahapon sa kadlawon.

Sa interview sa RMN Malaybalay ngadto kang PNP 10 Regional Spokesperson PSUPT Surki Sereñas, gibutyag niini nga ang mga food items nga na-diskubre nga gilubong sa Sitio Larapan, Barangay Dominorog, Talakag sa Bukidnon.

Nadiskubre kini sa PNP mobile force nga gipangunahan ni Police Senior Inspector Zean Paul Cubil, Company Commander of 1004th Mobile Company based in Barangay Dominorog, Talakag, Bukidnon.

Matud ni Serenias nga kung i-convert ngadto sa sako ang mao nga 40 ka gallon mukabat kini ngadto 15 ka sakong bugas.

Sigun sa opisyal nga nakalutan kini pinaagi sa tabang sa mga concern citizen nga nihatag ug kasayuran kalabot niini.