High Value Target level 2 sa rehiyon 6 kag salaligan sang Prevendido Drug Group , dakop sa buybust operation sa Bacolod

Dakop ang ginakabig High Value Target level 2 sa rehiyon 6 sa ginpatigayon nga buy bust operation sa Brgy. Estefania, Bacolod City kahapon.

Ini ang ginkilala kay Andresito Palabrica Jr., residente sang Brgy. Rizal, La Paz, Iloilo City.

Suno sa kapulisan, salaligan man sang Prevendido Drug Group nga naga-operar sa syudad sang Iloilo si Palabrica.

Naglab-ot sa 300 mil pesos ang market value sang lima ka bulto sang shabu kag dugang nga lima ka sachet sang shabu nga narecover kay Palabrica kag sa iya iya live-in partner nga si Joan Villasor .