Davao City- Kwarenta ka pamilya o kapin usa ka gatos ka mga indibidwal ang temporaryong ihikling ngadto sa evacuation center sa Los Amigos aron maseguro nga luwas sila kung mudahili man ang yuta sa maong lugar.
Giingon ni Operations and Warning Officer sa City Disaster Risk Reduction Management Council Rodrigo Bustillo nga delikado ang maong lugar sa landslide ug usa sa mga rason niini ang gihimong road widening sa Department of Public Works and Highways.
“So ugma puhon together with the CSSDO, mga barangay, ang kanang mga tawo nga anaa sa impact area ato silang pahawaon diha ug temporarily ibutang nato didto sa evacuation center sa Los Amigos, while ginaplastar nato kanang area diha, kay anytime, base sa atong mga pag obserbar together sa MGB, kanang area diha posibleng mubigay na.”
Una na usab nihawa ang pipila ka mga pamilya nga nakapuyo mismo sa slope sa Shrine Hills.
Karon usab nga ting ulan awhag ni Bustillo ngadto sa mga nahibiling residente nga mutuman sa mando kanila nga mu-evacuate.
“Sa tinuod lang aduna gyod na (mupalag) but with the danger nga ilang giatubang, whether they like it or not, they must be remove from that area kay atong ginatan-aw diha is ang safety gyod sa mga tawo.” segun ni Bustillo.
RadyoMan Aimee Guinita
