Target ng lokal na pamahalaan ng Maynila na makapagbakuna ng 40,000 na mga residente laban sa COVID-19 ngayong araw.
Ayon sa Manila Public Information Office, mayroong apat na mall na may vaccine slot na kayang makapagbakuna ng tig-3,000 na mga residente.
Habang mayroon ding 18 community vaccination sites sa mga paaralan sa 6 na distrito kung saan pwedeng makapagbakuna ng 1,500 indibidwal.
Lahat ng priority groups ay maaaring pumila sa mga vaccination sites na bukas hanggang alas-8:00 ng gabi.
Tiniyak din ni Mayor Isko Moreno na hangga’t may nakapila ay magdadagdag sila ng bakuna kung kailangan.
Facebook Comments
