MIPRESENTA sa ilang significant accomplishment report ang 403rd Brigade Philippine Army sa Probinsya sa Bukidnon sa pagpanguna ni BGen. Ferdinand T. Barandon sa gipahigayong Provincial Peace and Order Council (PPOC) ug Provincial Anti-Drug Abuse Council (PDAC) meeting didto sa Kaamulan Folk Arts Theater, Kaamulan Park, Capitol Compound, Malaybalay City, Bukidnon.
Sa nahimo niining presentasyon sa mga kasundaluhan, usa sa ilang nahimong accomplishment ang pagbungkag sa walhong grupo nga Gorilla Front 6, Sub-Regional Committee 2, North Central Mindanao Regional Committee nga miresulta sa pagwithdraw sa mga kaatbang sa Umayam complex. Sa tabang usab sa Community Support Program o CSP, misurender ang 25 ka mga regular NPA, 29 ka militia ng bayan, 7 ka Sangay Partido sa Lokalidad (SPL) members, 342 Underground Mass Organization (UGMO) members, ug nakumpiska ang 13 High Powered Firearms (HPFAs), 18 ka Low Powered Firearms (LPFAs), ug 1 ka Improvised Explosive Device (IED).
Samtang sa ilang Focused Military Operations (FMO), miresulta kini sa 16 ka encounters, 1 niini ang Major Encounter, 3 ka kaatbang niini ang namatay, 1 ang nisurender, 11 ka mga HPFAs, 4 ka Anti-Personnel (AP) landmines ug 7 ka mga hideouts ang nailog. Sa nahimong engkwentro sa mga kasundaluhaan batok sa walhong grupo sa Brgy. Canangaan, Cabanglasan, Bukidnon kaniadtong Hunyo 22, 2020, miresulta kini sa pagkumpiska sa 4 ka mga M16 Rifles, 1 ka Carbine, 1 ka Improvised M203 Grenade Launcher, 1 ka C-4 Land mine, 2 ka IED’s, 6 ka mobile phones, 1 ka laptop, mga medisina, mga sinina ug personal nga kagamitan ug mga dokumento nga adunay importanting mga kasayuran. Sa engkwentro usab niadtong Hulyo 31, 2020 sa Brgy. Mandahican, Cabanglasan, usa niini ang namatay sa kaatbang, 1 ka M16 rifle ang narecover, 6 ka backpacks, 150 meters nga wire, 1 ka medicine kit, 1 ka solar charger, food supplies, personal belongings ug mga dokumento. 12 usab ka NPA ug militia ng bayan ang misurender niadtong Agost 14, 2020.
Sa kinatibuk-ang accomplishment sa kasundaluhan ubos sa Community Support Program, sugod niadtong Hunyo 2020 hangtud sa kasamtangan 13 niini ka Barangay ang natala nga Barangay Cleared sa CPP-NPA-NDF, 1 niini ang CPP-NPA-NDF Affected Mass Organization (CAMO’s) cleared, 148 ka mga nisurender, 162 ka militia ng bayan, 49 ka SPL, 891 ka membro sa UGMO, 18 ka High Powered ug 37 ka mga Low Powered Firearms ug 3 ka Anti-Personnel Land mines.
Sa Focused Military Operations (FMO) and Intel Accomplishments, 32 niini ang natala nga encounter, 3 ang napatay, 2 ang nadakpan, 26 ka mga high powered ug 2 ka low powered firearms ug 4 ka AP landmines ang nakumpiska, ug 17 ka hideouts sa NPA ang ilang nailog.
