Gihupay sa 403rd Infantry Brigade, Philippine Army ang kabalaka sa publiko sa mga dapit kung asa kasamtangang gihimo ang ilang combat military operation sa Bukidnon.
Ilabina sa gihupay sa 403rd brigade ang mga katawhan sa lungsod sa Cabanglasan, Bukidnon.
Sa interview sa RMN ngadto kang Cpt. Ryan Layug, ang CMO ug spokesperson sa 403rd infantry brigade gibutyag niini nga walay angayang kabalak-an ang kada sibilyan nga nagpuyo sa ilang komunidad.
Matud ni Cpt, Layug nga ang ilang gihimo nga combat military operation gihimo kini didto sa lasang na nga bahin sa Pantaron Range.
Gipasabot usab niya nga bisan naka-posting ang ilang mga artillery ug canyon duol sa komunidad apan target usab ninii ang bukid nga bahin diin mukabat ngadto sa 10 hangtod 20 ka kilometros ang abton sa bala niini.
Gibutyag pa ni Capt. Layug nga walay angayang kabalak-an ang publiko ug gitambagan nga manginabuhing normal sa ilang kaumahan. Gisiguro usab niya nga hugot ang ilang pagsunod sa international humanitarian law kon IHL.
Dungan niini gipahayag ni Layug nga kaila sila kung kinsa ang mga NPA ug kinsa ang mga sibilyan.
Nasayran nga padayon karon ang gihimong offensive military operation sa AFP sa lungsod sa Cabanglasan.
